146 MØTEINNKALLING TYSNES KOMMUNE UTVAL FORMANNSKAPET MØTESTAD






MØTEINNKALLING

146




MØTEINNKALLING

Tysnes kommune


Utval : FORMANNSKAPET

Møtestad : Rådhuset

Møtedato : 27.06.06

Tid : 09.00


SAKLISTE:


Utvalsaknr. Arkivsaknr.

Tittel

PS 0060/06

06/00383 A

FIBERTILKOPLING TIL KOMMUNALE BYGG


PS 0061/06

06/00391 A

REGULERINGSPLAN FOR GODØYSUND - GNR. 101, BNR. 1 I TYSNES KOMMUNE - OPPSTARTMELDING - PLANPROGRAM


PS 0062/06

06/00413 A

SKJENKERAPPORT


PS 0063/06

05/00549 A

MANDELHUSET DA - UTEAREAL


PS 0064/06

06/00412 A

TARIFFREVISJONEN PR. 01.05.06 - URAVSTEMMING


PS 0065/06

06/00227 A

TYSNESBRUA MED VEGANLEGG


MØTEBOK

Tysnes kommune


146 MØTEINNKALLING TYSNES KOMMUNE UTVAL FORMANNSKAPET MØTESTAD

Utval Møtedato

FORMANNSKAPET 27.06.06

146 MØTEINNKALLING TYSNES KOMMUNE UTVAL FORMANNSKAPET MØTESTAD

Arkivsak :

Arkivkode:

06/00383

034

A -

146 MØTEINNKALLING TYSNES KOMMUNE UTVAL FORMANNSKAPET MØTESTAD

Sakshandsamar: Anders Teigen


Handsamingar:

Utval Møtedato Saksnummer

FORMANNSKAPET 27.06.06 PS 0060/06


FIBERTILKOPLING TIL KOMMUNALE BYGG


SAKSUTGREIING:


Tysnes Breiband A/S er i full gong med utbygging av fiberkabel fleire stader i Tysnes. Dei har oppmoda kommunen om å ta stilling til kor mange kommunale bygg som skal koblast opp til fiber.


Etatane har meldt følgjande trong for fibertilkobling:


Skuleetaten ynskjer tilkobling av alle 5 skulane + dei 2 barnehagane som ikkje ligg like ved ein skule.


Landbruk- og teknisk etat ynskjer tilkobling av utestasjonen i Eredalen, samt tilrettelegging for seinare tilkobling for både ledige tomter i bustadfelt og for nye bustadfelt.


Helse- og sosial ynskjer tilkobling av


Hovland bu- og omsorgssenter,

bustader for P.U. Vågsmarka,

bustader for P.U. Uggdal,

Tysnes sjukeheim,

Omsorgsbustader Peralio,

Omsorgsbustader Vågsmarka,

Trygdebustader Vågsmarka og

gjennomgangsbustaden.


Rådhuset vart tilkobla fiber no i 2006.


I denne omgang er det berre spørsmålet om fysisk tilkobling av fiber som er aktuelt, fordi det er dette som er viktig for utbyggjar å få avklåra før dei planlegg utbygginga i dei ulike byg­dene.


Fiber kan nyttast til m.a. ip-telefoni, internett og TV/video. Behova vil nok variera mellom dei ulike avdelingane.


Tysnes Breiband A/S opplyser på sine nettsider at prisen for tilkobling er kr. 4.000,- + mva. pr. tilkobling. Dei vil rekna på rabattar når me opplyser om kor mange tilkoblingar me vil tinga.


Fibertilkobling vert som ei slags moderne grunnlagsinvestering i eit bygg eller ei tomt. Det er då naturleg at tilkoblingskostnader for tomter vert rekna inn i kostnaden når tomta vert vida­reselt. Tilkoblingskostnader der det er leigetakarar er naturleg å rekna inn i leiga, bortsett frå dei tilhøve der me etter ei konkret vurdering finn at dette ville verka svært urimeleg. Tilkob­lingskostnader for andre kommunale bygg kan naturleg leggjast til den avdeling som nyttar bygget, etter tankegangen om at me då får sjå kva ein aktivitet kostar.


INNSTILLING FRÅ RÅDMANNEN:


Rådmannen får fullmakt til å tinga fibertilkobling frå Tysnes Breiband A/S til dei kommunale bygg som er aktuelle, samt tinga tilrettelegging for seinare fibertilkobling for ledige tomter i bustadfelt og for nye bustadfelt.


Tilkoblingskostnader vert dekka ved å bli rekna inn i prisen ved sal av tomter, ved å bli rekna inn i leiga for leigetakarar, og at kvar avdeling dekkar tilkoblinga til bygg som avdelinga nyt­tar.


VEDTAK I FORMANNSKAPET 27.06.06:


I samsvar med innstilling.




MØTEBOK

Tysnes kommune


146 MØTEINNKALLING TYSNES KOMMUNE UTVAL FORMANNSKAPET MØTESTAD

Utval Møtedato

FORMANNSKAPET 27.06.06

146 MØTEINNKALLING TYSNES KOMMUNE UTVAL FORMANNSKAPET MØTESTAD

Arkivsak :

Arkivkode:

06/00391

504

A -

146 MØTEINNKALLING TYSNES KOMMUNE UTVAL FORMANNSKAPET MØTESTAD

Sakshandsamar: Asle Bernt Rekve


Handsamingar:

Utval Møtedato Saksnummer

FORMANNSKAPET 27.06.06 PS 0061/06


REGULERINGSPLAN FOR GODØYSUND - GNR. 101, BNR. 1 I TYSNES KOMMUNE - OPPSTARTMELDING - PLANPROGRAM


Vedlegg:

  1. Skriv frå Miljødepartementet datert 27.04.06

  2. Kopi av §§ 2,3 og 4 i forskrift om konsekvensutgreiiing


SAKSUTGREIING:


Tysnes kommunestyre godkjende reguleringsplan for Godøysund Fjord hotell. Gnr.101, bnr.1. den 04.04.90. Etter den tid har ulike eigarar i samsvar med planen fått utført ymse tiltak som bygging av bru, parkeringsplass, veg til hotellet, kaianlegg, riving av bygg, restaurert sjøbu og andre bygg, og starta opp bygging av nytt hotell.


Reguleringsplanen har vorte endra nokre gonger. I prosessen våren 2005, før siste endring av planen for utbygginga på Maurholmen, der bl. a. tal hytter skulle reduserast frå 35 til 24 hytter, vart miljøverndepartementet i skriv datert 05.07.05 beden om av fylkesmannen å vurdera å gjera om reguleringsplanen for strandsona på Maurholmen. Etter synfaring av departementet, førehandsvarsel om oppheving og møte mellom kommune og departement, gjorde miljø­verndepartementet i skriv datert 27.04.06 slikt vedtak:


” Miljøverndepartementet finn at reguleringsplan for Godøysund Fjordhotell, gnr. 101, bnr.1 i Tysnes kommune er i strid med nasjonale interesser, jf plan- og bygningslova §27-2 nr.3 andre ledd. Kommunen har uttalt seg. Departementet opphever regulerings­planen.”


I skrivet frå departementet går det bl.a. fram:


” Heile planområdet er i kommuneplanen sin arealdel sett av til byggjeområde etter plan- og bygningslova § 20-4 første ledd. I følgje generelle føresegner etter §20-4 andre ledd bokstav a gjeld eit generelt plankrav i byggjeområde. Når departementet no opphever reguleringsplanen er det nødvendig med ny reguleringsplan før utbygging kan skje inn­anfor planområdet.


Departementet er open for at ein kan vurdera ei anna løysing som gjev grunnlag for å utvikle og drive Godøysund fjordhotell, og samstundes ta omsyn til strandsonevernet. I ein ny reguleringsplanprosess vil fylkesmannen samarbeide aktivt med Tysnes kom­mune.”


I møte med departementet den 19.12.05 sa dei at ein kan akseptera ei utbygging nærare ho­tellet i området der det er bygg no. Utbygging på Maurholmen var uaktuelt. Bygging på Midt­holmen vart ikkje avvist, men det var heller ikkje tvil om at utbygging burde skje på halvøya der hotellet ligg i dag.


Tysnes kommune hadde møte med Fylkesmannen 05.01.06. Sjølv om departementet ikkje då hadde oppheva planen, var begge partar innforstått med kva veg det gjekk. Den vidare prosessen vart drøfta. Også Fylkesmannen la fram at utbygging burde skje på hotell-halvøya og der det var bygg frå før nord for veg mellom brua og hotellet. Det kom fram at kommunen måtte ha styring med planen, og at dette kunne gjerast gjennom ein flatereguleringsplan som la premis­ser for ein seinare utbyggingsplan som eigar stod for. Ein såg det naturleg at eigar la fram for kommunen eit konsept om kva som no var tenkt med utbygginga ut frå dei nye føresetnadene. Dette kunne vera grunnlag for oppstartmelding av reguleringsplanen.


Kent as som eigar hadde fått hjelp av arkitektkontoret Vaardal-Lunde til sine utbyggingspla­nar. Kommunen hadde møte med arkitektane 02.06.06. Det vart lagt fram skisser for korleis utbygginga var tenkt, og at hyttene/leiligheitane var tenkt drivne etter ”sale – leaseback” prin­sippet. Det var semje om å leggja eigar og arkitekt sine nye planar fram for Fylkesmannen før kommunen gjorde formelt vedtak om start av reguleringsplanarbeidet.


Eit slikt møte vart halde 14.06.06 der arkitekt og eigar gjekk gjennom sine utbyggingsplanar og korleis drifta var tenkt.


Fylkesmannen hadde ikkje særlege merknader til planane anna enn at dei minna om strandso­nevernet og at bygging burde skje bak ei funksjonell strandsone. I aust burde ikkje kvar ei vik verta bygt ned. Kommunen vart oppfordra til å tenkja nøye gjennom kva arealformål planen skulle ha. Planen burde vera prega av friluftsområde og andre grøntområde samt næringsom­råde.


Fylkesmannen minna om at det måtte gjerast ei vurdering etter forskrift om konsekvensut­greiing (KU). Fylkesmannen la til at bakgrunnen til dette planarbeidet burde vera god grunn til å sleppa KU, men det måtte gjerast ei vurdering etter § 4 i forskriftene. Kommunen er myndigheit. Fylkesmannen presiserte at grunnen til oppheving av planen var berre det nye i strandsonevernet, og at det var denne delen ein måtte leggja vekt på i ny plan. Ein måtte kunna støtta seg til oppheva plan når det gjeld vurdering av andre miljøkonsekvensar.


Eigar av planområdet, Kent AS ved styreleiar, har lagt fram dette konseptet for selskapet sine tankar for utbygging og drift av eigedomen:


”HOVEDMOMENTER I DRIFTSKONSEPTET FOR GODØYSUND


  1. Feriestedet Godøysund


Grunneiers planlagte driftsform er basert på en nyetablering av virksomheten på God­øysund i en "sale - leaseback" – modell, se nedenfor. Grunnpilaren i konseptet er et leilighetshotell beliggende i et meget attraktivt og populært naturmiljø på vestlandet med tilbud om omfattende frilufts- og fritidsaktiviteter både for de som eier leiligheter på øyene, hotellgjester og allmennheten.


Beboere og gjester kan starte dagen med frokost i fantastiske omgivelser og fylle resten av dagen med en rekke forskjellige fritidsaktiviteter. På sjøen vil dette omfatte aktivite­ter som fiske, dykking, båt - turer, kiting, wind-surfing etc. På land vil det bli lagt opp til turer både på øyene og fastlandet samt aktiviteter som ridning, kondisjons-/styrketerning på hotellområdet, jakt, paintball, identifikasjon av planter og sjøliv i om­rådet m.v. Det er også planer om å etablere en egen SPA-avdeling.


Dagen kan avsluttes med middag på en av stedets tre restauranter og sosial hygge på stedets pub eller nattklubb.


2. Hotellkonseptet


Hotellet skal ha helårsdrift. Kundegrunnlaget finner man fortrinnsvis i følgende grup­per;


Turister – først og fremst norske, engelske, tyske og amerikanske

Forretningslivet – til bruk for team - building, møter, konferanser og seminarer

Lokale begivenheter – familieselskaper, konfirmasjon, bryllup m.v.

Rehabilitering – personer med behov for rehabilitering i denne type omgivelser


For å kunne fremskaffe en bærekraftig finansiering og inntektskilde for reetableringen av hotelldriften i form av et leilighetshotell med helårsdrift, er det planlagt tre former for eierskap/leie.


  1. Fritidsboliger med pålagte sale - leaseback avtaler


Dette vil være boenheter hvor kjøperen (et selskap eller en privatperson) er pålagt å leie enheten ut til hotelldrift bestemte perioder av året. Dette gir hotellet god tilgjenge­lighet på rom/leiligheter i travle perioder. En slik avtale vil følge boen-heten og skal bare kunne sies opp av hotellet – ikke av den som til enhver tid eier leiligheten.


  1. Fritidsboliger med frivillige sale - leaseback avtaler


Disse boenhetene er tilpasset hotellstandarden og eierne vil derfor på frivillig basis kunne inngå avtaler med hotellet og leie ut enheten i perioder den ikke er i bruk. Her kan man tenke seg avtaler som løper over en viss periode, eller fortløpende leie med oppsigelsestid.

  1. Fritidsboliger for salg


Disse fritidsboligene er ikke tilpasset for hotellbruk, men skal likevel ligge innenfor det arkitektoniske konsept som er nedfelt i eiendommens øvrige bygninger.


Sale - leaseback konseptet byr på muligheter som er essensielle for å kunne foreta den type utbygging som er planlagt på området. At en kjøper har muligheten til å leie ut sin boenhet til hotellet, innebærer at det vil være lettere for ham/selskapet å finansiere kjø­pet. Leieinntektene gir en merverdi på eiendommen som vil være av betydning for lån­giver.


Med dette konseptet vil eierne av fritidsboligene – sammen med familie og venner – bli kunder ved hotellets fasiliteter. Eierskapet vil gi en løpende tilknytning til området.


Sale - leaseback konseptet vil også gi en fornuftig finansieringsstruktur for å bygge hotellet og tilliggende fasiliteter. Dette vil redusere behovet for risikokapital, hvilket til tider kan være vanskelig å fremskaffe til denne type prosjekter. Sale - leaseback prin­sippet er således en forutsetning for å gjennomføre den driftsmodellen som er planlagt.


3. Fordeler for kommunen og lokalsamfunnet


Reetablering av Godøysund Fjordhotell med tilhørende fasiliteter vil kunne gi flere posi-tive ringvirkninger både for Tysnes kommune og dens innbyggere.


Gjenoppbyggingen av hotellet og diverse andre bygninger vil generere et ikke ubetyde­lig antall arbeidsplasser i byggeperioden. Dernest vil det naturligvis bli behov for be­tjening av hotell og fasiliteter, hvilket vil gi permanente helårs arbeidsplasser.


Med dette moderne konseptet, stedets historie og dets unike natur, vil forholdene ligge til rette for å tiltrekke et betydelig antall turister både nasjonalt og internasjonalt. Dette vil gi positive ringvirkninger for forretningsdrivende i kommunen.


Prosjektet vil gi en dramatisk økning av overnattingskapasiteten i Tysnes kommune. Denne har vært utilfredsstillende for kommunen siden driften av hotellet opphørte. Mu­lighetene for overnatting vil øke det allerede betydelige tilfanget av besøkende i sommerhalvåret og bidra til igjen å "sette Godøysund på kartet".


4. Bebyggelsesplan


Utbygger ønsker å kombinere bebyggelse med utstrakt tilgang til området for almen­heten. Hoveddelen av bebyggelsen vil skje på hovedøya – som allerede er bebygd. Dette er i tråd med føringene fra Miljøverndepartementet. Det planlegges også en begrenset bygging på midtøya, men denne vil i tillegg – sammen med den uberørte Maurholmen – være viktig for de planlagte fritidsaktivitetene. Selv om området vil være fullt tilgjenge­lig for almen-heten, vil det bli administrert og av hotellet. Dette sikrer vedlikehold av stier og skog i området. Man kan si at disse øyene vil kunne fungere som en fritids- og fitnesspark for hotellet og de besøkende.


Den eksisterende restaurantbygningen vil bli restaurert og benyttet til å huse de plan­lagte innendørs - aktivitetene. Prinsehytten vil også bli restaurert.


Bebyggelse som legges til sjøkanten vil bli pålagt sale - leaseback avtaler – med unntak av det planlagte badehuset. I området som ligger vest for det planlagte hotellet vil det bli bygget leiligheter som gir muligheter til frivillig lease - back avtaler. Bebyggelse som ikke er knyttet opp mot lease - back avtaler er planlagt i området fra Prinsehytten og vestover.


Det inngår også i driftsplanen å ferdigstille det påbegynte parkeringsområdet. Dette vil kunne løse parkeringsproblemene langs veien til området. Det vil bli bygget garasjer og anlagt biloppstillingsplasser samt en brygge/molo til benyttelse for båter. Disse plassene/ garasjene vil enten bli solgt eller leiet ut, avhengig av hvilke behov som av­dekker seg for fastboende og feriebesøkende til området.”


Forskrift om konsekvensutgreiing.


Etter § 3 i forskrifta kjem Godøysundplanen inn under ”feriebyer og hotellkomplekser utenfor byområder”. Dette tiltak skal vurderast etter §4 i forskrifta. I § 3 står også at dette kravet gjeld ikkje dersom tiltaket er tilfredstillande avklart i kommuneplanen sin arealdel. Kommunepla­nen er ikkje oppheva og i denne er heile Godøysundområde avmerka som byggjeområde, hytter på Maurholmen og forretning og servise på resten av eigedomen.


I § 4 er det ramsa opp 10 konfliktpunkt i forhold til miljø som må lukast bort for å sleppa vegen om KU. Fylkesmannen meiner § 4 c er det viktigaste punktet å ha ei vurdering av. Dette punktet lyder slik;”-- er lokalisert i større naturområder som er særleg viktige for utøv­ing av friluftsliv, herunder-------.”


I forhold til kommuneplanen der heile området er byggjeområde, legg både kommune og ei­gar no opp til at byggjeområde vert redusert til halvøya hotellet ligg på, og til tidlegare bygt område aust for veg mellom brua og hotellet. Resten av eigedomen vert friluftsområde tilret­telagt for fritidsaktivitetar og tilgjengeleg for allmenta.


På grunnlag av ”Godøysund” og godkjent plan sin historie, samt at byggjeområdet no er ve­sentleg redusert og gjeve store areal frie for inngrep og opne for allmenta, meiner Tysnes kommune at planen ikkje kjem i konflikt med § 4 i forskrifta.


Planprogram.


Det vert vist til ovannemnde saksutgreiing.


Miljøverndepartementet har i skriv datert 27. april d.å. oppheva reguleringsplan for Godøy­sund av 04.04.1990. Dette skrivet i tillegg til at arealet er avsett i kommuneplanen ligg i botn for oppstart av ny reguleringsplan.


Planområdet sin eigar sine hovudmoment for driftskonseptet for Godøysund vert førebels lagt til grunn for planarbeidet. Kommunen tek atterhald om å kunna endra deler av desse etter første høyringsrunde.


Desse retningslinjene vert lagt til grunn for det vidare arbeid:


1. Halvøya hotellet ligg på og området aust for veg mellom bru og hotell skal regulerast til eit eller anna næringsformål der næringsutvikling vil vera viktig for kommunen


2. Ein skal så langt det er mogleg plassera bygga utanfor den funksjonelle strandsona. Det skal vera balanse mellom bygt areal, vegsystem og grøntområde.


3. Maurholmen og resterande del av Midtøya skal ha formålet friluftsområde eller liknande. Det kan leggjast inn i planen eller i føresegnene for friluftsområde tiltak som gagnar fritids­aktivitetar og bruk til turområde.


4. Det er eit parkeringsproblem i Gåsevikområdet grunna dei mange eigedomane ut på øyer og holmar, utan at det er sett av plass til parkering. Det skal planmessig leggjast til rette for par­kering til besøkjande og eigedomar som ikkje har vegframføring.


Organisering av arbeidet


Reguleringsplanen vert utarbeidt av arkitektkontoret Vaardal-Lunde. Planarbeidet vert leia av Tysnes kommune i samarbeid med eigar, Kent AS. Tysnes formannskap vert styringsgruppe.


Planprosess


Reguleringsplanen vert utarbeidt etter plan- og bygningslova § 27. Det vert lagt opp til desse fasane i planlegginga med tidsplan.


  1. Tysnes Formannskap gjer 27/6-06 vedtak om planprogram og oppstart av planarbeidet.


  1. Arkitektkontor kunngjer oppstart og sender planprogram og melding om oppstart på høy­ring. Høyringsfrist ca. 30.juni til 21. august d.å.


  1. I eller etter høyringstida vert det halde møte med fylkesmannen. Merknader og fråsegner vert gjennomgått.


  1. Framlegg til reguleringsplan vert sendt kommunen til handsaming innan ca. 5. september d.å. Prosessen fram til framlegg skal vera styrt av kommunen i samråd med eigar.


  1. Tysnes formannskap handsamar framlegget, innan ca. 19. september


  1. Framlegget vert sendt på høyring og lagt ut til offentleg ettersyn innan ca. 28. september . Frist 1. november d.å..


  1. Møte mellom kommune, arkitekt og eigar etter at begge partar har fått gått gjennom frå­segner og merknader. Ca 5. - 10. november. Helst semje om kva som skal takast omsyn til. Om nødvendig vert det møte med fylkesmannen.


  1. Arkitekt sender tilråding til kommunen. Ca.15. november.


  1. Tysnes formannskap. Framlegg til vedtak 1. desember d.å.


  1. Planvedtak i kommunestyre 12. desember 2006


(Ei slik framdrift krev topp prioritet av alle partar og er avhengig av at ytre etatar held fristen, og det ikkje kjem motsegn).


INNSTILLING FRÅ RÅDMANNEN:


Me tilvising til saksutgreiinga, og i medhald av §§ 3 og 4 i forskrift om konsekvensutgrei­ing, meiner Tysnes kommune at reguleringsplanen ikkje treng handsamast etter forskrifta.


I medhald av § 27-1 i plan- og bygningslova, og i tråd med saksutgreiinga og planprogrammet i denne møteboka, vert det starta opp arbeid med reguleringsplan for gnr. 101, bnr.1, Godøy­sund. Planen skal utarbeidast av arkitektkontoret Vaardal-Lunde, styrt av kommunen i samar­beid med grunneigar i området.


VEDTAK I FORMANNSKAPET 27.06.06:


I samsvar med innstilling.



MØTEBOK

Tysnes kommune


146 MØTEINNKALLING TYSNES KOMMUNE UTVAL FORMANNSKAPET MØTESTAD

Utval Møtedato

FORMANNSKAPET 27.06.06

146 MØTEINNKALLING TYSNES KOMMUNE UTVAL FORMANNSKAPET MØTESTAD

Arkivsak :

Arkivkode:

06/00413

607

A -

146 MØTEINNKALLING TYSNES KOMMUNE UTVAL FORMANNSKAPET MØTESTAD

Sakshandsamar: Jon Sævartveit


Handsamingar:

Utval Møtedato Saksnummer

FORMANNSKAPET 27.06.06 PS 0062/06


SKJENKERAPPORT


Vedlegg:

1. Referat frå møte i alkoholkontrollutvalet 19.06.06


SAKSUTGREIING:


I samband med skjenkerapport for Mandelhuset DA 12.05.06 hadde alkoholkontrollutvalet møte 19.06.05. Som det går fram av vedlagde referat frå dette møtet gav alkoholkontrollutvalet følgjande tilråding til reaksjon overfor Mandelhuset:


” Mandelhuset DA får utifrå skjenkerapport 12.05.06 ein advarsel. For å hindra at det vert teke alkoholhaldig drikk ut frå skjenkestaden må verksemda få på plass betre rutinar, m.a. opp mot skilting og vakthald. Det bør vera minst 2 personar på arbeid når det er skjenking både ute og inne.”


VEDTAK I FORMANNSKAPET 27.06.06:


Mandelhuset DA får utifrå skjenkerapport 12.05.06 ein advarsel. For å hindra at det vert teke alkoholhaldig drikk ut frå skjenkestaden må verksemda få på plass betre rutinar, m.a. opp mot skilting og vakthald. Det bør vera minst 2 personar på arbeid når det er skjenking både ute og inne.




MØTEBOK

Tysnes kommune


146 MØTEINNKALLING TYSNES KOMMUNE UTVAL FORMANNSKAPET MØTESTAD

Utval Møtedato

FORMANNSKAPET 27.06.06

146 MØTEINNKALLING TYSNES KOMMUNE UTVAL FORMANNSKAPET MØTESTAD

Arkivsak :

Arkivkode:

05/00549

614

A -

146 MØTEINNKALLING TYSNES KOMMUNE UTVAL FORMANNSKAPET MØTESTAD

Sakshandsamar: Jon Sævartveit


Handsamingar:

Utval Møtedato Saksnummer

FORMANNSKAPET 27.06.06 PS 0063/06


MANDELHUSET DA - UTEAREAL


Vedlegg:

1. Skisse 26.06.06


SAKSUTGREIING:


Mandelhuset DA sitt skjenkeløyve inneheld følgjande formulering når det gjeld skjenking ute:


” Løyvet gjeld også for eit avgrensa uteområde.


Kommunestyret føreset at utearealet er forsvarleg inngjerda og at verksemda har redningsutstyr på plass dersom nokon likevel skulle detta i sjøen. Det må og finnast enkle måtar å koma seg på land att på.”


Den gongen løyvet vart gjeve, kravde ikkje administrasjonen at det vart levert noka skisse som eintydig definerte grensene for dette uteområdet. I samband med seinare ombyggingar har me kome til at det er naudsynt å få inn slik dokumentasjon. Vedlagde skisse syner avgrensingane av uteområdet slik det framstår i dag.


Det kan diskuterast om det ikkje er kommunestyret sjølv som burde teke endeleg avgjerd om å godkjenna skissa over uteområdet. I samband med at det er naudsynt å få definert desse grensene, at den viktige sommarsesongen er i gang og at det er om lag 3 1/2 månad til neste kommunestyremøte, finn rådmannen det naturleg at formannskapet med heimel i § 13 i kommunelova gjer endeleg vedtak.


INNSTILLING FRÅ RÅDMANNEN:


Formannskapet godkjenner at uteområdet som Mandelhuset DA har fått innvilga skjenkeløyve for, er i samsvar med vedlagde skisse.


VEDTAK I FORMANNSKAPET 27.06.06:


I samsvar med innstilling.



MØTEBOK

Tysnes kommune


146 MØTEINNKALLING TYSNES KOMMUNE UTVAL FORMANNSKAPET MØTESTAD

Utval Møtedato

FORMANNSKAPET 27.06.06

146 MØTEINNKALLING TYSNES KOMMUNE UTVAL FORMANNSKAPET MØTESTAD

Arkivsak :

Arkivkode:

06/00412

042

A -

146 MØTEINNKALLING TYSNES KOMMUNE UTVAL FORMANNSKAPET MØTESTAD

Sakshandsamar: Audun Hovland


Handsamingar:

Utval Møtedato Saksnummer

FORMANNSKAPET 27.06.06 PS 0064/06


TARIFFREVISJONEN PR. 01.05.06 - URAVSTEMMING


HANDSAMING I FORMANNSKAPET 27.06.06:


Formannskapet hadde til møtet fått utsendt delar av A-rundskriv nr. 1/2006.


VEDTAK I FORMANNSKAPET 27.06.06:


Tysnes kommune stemmer "ja" til det tilrådde framlegget.



MØTEBOK

Tysnes kommune


146 MØTEINNKALLING TYSNES KOMMUNE UTVAL FORMANNSKAPET MØTESTAD

Utval Møtedato

FORMANNSKAPET 27.06.06

146 MØTEINNKALLING TYSNES KOMMUNE UTVAL FORMANNSKAPET MØTESTAD

Arkivsak :

Arkivkode:

06/00227

561

A -

146 MØTEINNKALLING TYSNES KOMMUNE UTVAL FORMANNSKAPET MØTESTAD

Sakshandsamar: Anders Teigen


Handsamingar:

Utval Møtedato Saksnummer

FORMANNSKAPET 27.06.06 PS 0065/06


TYSNESBRUA MED VEGANLEGG


Vedlegg:

  1. Skriv frå ordføraren 21.03.06 til formannskapet

  2. Skriv frå ordføraren 06.04.06 til nabokommunar


SAKSUTGREIING:


I møte 28.03.06 gjorde formannskapet slikt vedtak i sak F 31/06:


” Det bør opprettast eit selskap i samsvar med premissane i vedlagde skriv frå ordføraren.


Målsetjinga er å få selskapet ”opp å gå” før sommarferien.”


Nærings- og Handelsdepartementet sine sider på internett bedin.no seier m.a. følgjande om stifting av aksjeselskap:


” Når man skal stifte et aksjeselskap, må det i henhold til aksjeloven avholdes et stiftel­sesmøte og en konstituerende generalforsamling der stifterne av aksjeselskapet møtes. Det skal velges et styre og revisor, og det fastsettes vedtekter for selskapet. Protokoll fra stiftelsesmøte, kopi av vedtekter og en villighetserklæring fra revisor må sendes Fore­taksregisteret for at selskapet skal bli formelt stiftet.”

Dette inneber at i denne første og innleiande fase er det aktuelt å få på plass eit vedtak om at eit formelt selskap skal skipast, og kor mykje midlar kommunen skal gå inn med. Deretter er det naturleg å invitera nabokommunar, bedrifter og einskildpersonar til å delta i selskapet. Dei som ynskjer å delta, må så koma saman i eit stiftingsmøte etter aksjelova. Tysnes kom­mune vil då delta på linje med dei andre deltakarane, etter kor stor del av kapitalen me går inn med.


Dersom det skulle visa seg å vera vanskeleg å få med mange andre interessentar i eit selskap, så kan me for ordens skuld minna om at me har ein god del andre selskap i Noreg som er opp­retta med sikte på å få gjennomført konkrete samferdselestiltak. Vegdirektoratet har ved fleire høve meint at ein burde klara seg med færre selskap. Spørsmålet vert i så fall om det er ein idé å kopla seg opp mot eit eksisterande selskap.


INNSTILLING FRÅ RÅDMANNEN:


Tysnes kommune vil ta initiativ til å få skipa eit aksjeselskap som skal arbeida for realisering av brua over Langenuen. Kommunen vil gå inn med inntil kr. 100.000,- som aksjekapital.


Nabokommunar, bedrifter og einskildpersonar vil bli førespurte om å gå inn som eigarar.


Ordføraren vert peika ut som kommunen sin representant på stiftingsmøte og generalforsam­ling


VEDTAK I FORMANNSKAPET 27.06.06:


I samsvar med innstilling.



Postadresse: Besøksadresse:

Rådhuset Telefon: 53 43 70 00

5685 UGGDAL UGGDAL Telefaks: 53 43 70 11





Tags: formannskapet møtestad, i formannskapet, tysnes, utval, formannskapet, møtestad, møteinnkalling, kommune