OBRADOIRO DE LINGUAXE E REDACCIÓN XURÍDICA GALEGA I RESUMO

25 ANIV CAMINOICE ACTO CONMEMORATIVO PLAZA DEL OBRADOIRO 1
ESCOLA DE ESCRITORESAS OBRADOIRO DE CREACIÓN LITERARIA A
OBRADOIRO DE LINGUAXE E REDACCIÓN XURÍDICA GALEGA I RESUMO

Obradoiro de linguaxe e redacción xurídica galega I

Resumo do curso:

O marco lexislativo actual persegue o obxectivo da normalización da lingua galega nos eidos da administración e da xustiza, de xeito que se respecte o dereito lingüístico dos cidadáns e cidadás, para o cal cómpre o coñecemento do tecnolecto xurídico que posibilite a máxima corrección. Os titulados en Dereito deben coñecer a súa linguaxe de especialidade tanto en castelán como en galego para poderen satisfacer no seu futuro profesional a cuestión lingüística, e nesa formación o papel do profesorado da Facultade de Dereito devén chave.

O «Obradoiro de linguaxe e redacción xurídica galega» pretende darlles formación específica aos docentes de Dereito verbo do seu tecnolecto en galego. Isto supón unha formación gramatical e léxica específica e a revisión das convencións documentais estilísticas necesarias para o seu traballo, a prol da modernización e racionalización da documentación xurídica.

Impartido por:

Profesor: Martín Ramos Ínsua. Técnico de normalización lingüística do Colexio de Avogados de Santiago de Compostela

Obxectivos:

Coñecer as características principais do tecnolecto xurídico.
Asentar un modelo de linguaxe xurídica galega de calidade.
Familiarizarse coas peculiaridades morfolóxicas e sintácticas do galego xurídico.
Profundar no proceso de modernización estilística da linguaxe xurídica.
Dominar a terminoloxía básica da lingua do dereito.
Unificar criterios verbo da produción de tipoloxías documentais.
Unificar criterios verbo da aplicación de recursos ortotipográficos.

Contidos:

I. Redacción e estilo

O documento (composición da páxina, organización de contido, racionalización gráfica, numeración)
As convencións (recursos tipográficos, signos de puntuación, maiúsculas e minúsculas, abreviacións, indicacións de lugar, tempo e cantidade).
A morfosintaxe (concordancia, ordenación sintáctica,,construcións absolutas, nominalización, circunloquio, adverbios en -mente)
O contido (tratamento persoal, linguaxe non discriminatoria, propiedade léxica, redundancia, focaxe, concorrencias léxicas, formulismos, marcadores textuais, progresión temática, lonxitude).

II: Gramática

A omisión de partículas gramaticais
O pronome pleonástico de CI
Os pronomes de dativo e de acusativo
A colocación do adxectivo previo/a + subst.
Usos dos identificadores léxicos: mesmo/a, dito/a, presente
Construcións verbais: vir de + inf.; ter + part.; ter/dar por + part.
Os réximes preposicionais
A voz de obrigatoriedade
O infinitivo sen réxime
O uso do xerundio
O infinitivo conxugado
O futuro de subxuntivo

III: Léxico

Caracterización léxica da linguaxe xurídica
Interferencias e calcos doutras linguas
Vacilacións frecuentes do léxico xurídico

IV: Recursos

Ferramentas informáticas de apoio lingüístico
Recursos de aproveitamento lingüístico en liña
Fontes terminográficas e documentais
Servizos de asesoramento e formación

Metodoloxía:

O desenvolvemento do curso será eminentemente práctico e combinará a exposición de contidos teóricos coa práctica sobre documentos reais do exercicio xurídico.

Avaliación:

A avaliación terá en conta a asistencia, a participación e o aproveitamento das sesións presenciais, así como a valoración das prácticas propostas para as horas non presenciais. Se entregará un informe individual das prácticas propostas.

Requisitos e observacións:

Nivel de lingua galega: Celga 4 ou perfeccionamento ou equivalentes.

Tags: galega i, xurídica galega, linguaxe, obradoiro, xurídica, resumo, redacción, galega