ACARA IBADAH NATAL II HKBP YOGYAKARTA RESORT YOGYAKARTA SENIN

050209 SATUAN ACARA PERKULIAHAN MATA KULIAH MEDAN ELEKTROMAGNETIK
10 SAMBUTAN GUBERNUR KALIMANTAN TIMUR PADA ACARA DIALOG PUBLIK
4 SAMBUTAN GUBERNUR KALIMANTAN TIMUR PADA ACARA PELANTIKAN ASOSIASI

4 SAMBUTAN WAKIL GUBERNUR KALIMANTAN TIMUR PADA ACARA CLOSING
5 KEYNOTE SPEECH WAKIL GUBERNUR KALIMANTAN TIMUR PADA ACARA
6 SAMBUTAN WAKIL GUBERNUR KALIMANTAN TIMUR PADA ACARA RAKOR

Acara Ibadah Natal II

HKBP Yogyakarta- Resort Yogyakarta

Senin 26 Desember 2016

Pukul 17:00

Tema: HARI INI TELAH LAHIR BAGIMU JURUSELAMAT,

YAITU KRISTUS, TUHAN, DI KOTA DAUD.

(Lukas 2: 11)

HKBP Yogyakarta

Jl. I Dewa Nyoman Oka 22 – Kotabaru Yogyakarta 55224 Telp. 548740; 513080; Fax. (0274) 548740

Website: hkbpjogja.org Email: [email protected]

Acara Ibadah Natal II

Gabungan Sektor, Kategorial dan Umum

HKBP Yogyakarta- Resort Yogyakarta

Senin, 26 Desember 2016

Persiapan

Prosesi dan Kata Sambutan:

Siboan Lilin Natal: Galak
Pemimpin Liturgis/Paragenda
Parjamita
Sude Parhalado

Mardalan barisan prosesi: Di tingki mardalan barisan prosesi, Song Leader mangendehon BE 616:1 Ulina I Di Borgin Na Badia

Ulina i di borgin na badia humirdophirdop do bintang disi.

Di borgin i do tubu Sipalua di panggagatan di Betlehem i.

Portibi on dangol gok haholomon marnida sondang ni Tuhanta i.

Ulina i marende do suruan, di borngin i do tubu Kristus i,

di borngin i do tubu Kristus i.

--------------------------------------------barisan prosesi mengambil tempat masing-masing------------------------------------

Kata Sambutan: Panitia

Ibadah:

Panggilan Beribadah

L: liturgis J: Jemaat S: Sude

L: Selamat Ari Natal ma di hita saluhutna! Hamuna dongan sahaporseaon, tama do hita mandok mauliate tu Jahowa borngin on, ai dipapungu asi ni rohaNa do hita laho manghalashon parningotan di ari Hatutubu ni Tuhanta Jesus manobus dosa ni portibi on. Beta hamu ma taendehon sangap ni Jahowa, jala tasomba ma Kristus partanobatoan ni hatuaonta.

J: Ria ma hita mandapothon Jesus naung tubu i, taolophon ma Ibana marhitehite pujipujian dohot unduk serep ni rohanta. Beta hamu ma taendehon ma Jahowa, taolophon ma GoarNa na Badia i.

L: Antong, taparade ma dirinta asa tasomba Tuhanta i di bagasan dame dohot las ni roha. Tabaritahon ma hata on: “Nunga tubu Kristus! Nunga songgop hadameon!” Asa saluhut jolma taruli di las ni roha naung pinarade ni Kristus. Asa masuk hita tu panombaonta, jumolo ma hita martangiang di bagasan rohanta be, martangiang ma hita. …Amen.

Marende BE 57:1-3 Nunga Jumpang Muse

Nunga jumpang muse ari pesta i, hatutubu ni Tuhanta Jesus i

Tuat do Ibana sian surgo i, mebat tu hita on

Hasangapon di Debata, dame, dame ma di jolma

Las ni roha ni Debata hajolmaon muse.

Beta ale dongan tu Betlehem i, itasomba ma Dakdanak na disi

Natinongos ni Parasi roha i, Debata Ama i

Hasangapon di Debata, dame, dame ma di jolma

Las ni roha ni Debaa, hajolmaon muse. --- ayat 3 jongjong---

Somba nami ma di Ho na tubu on, Ho siboan dame tu portibi on

Sai pasaorhon ma tu rohanami on, dameMi o Jesus

Hasangapon di Debata, dame, dame ma di jolma

Las ni roha ni Debata hajolmaon muse.

VOTUM – INTROITUS – TANGIANG

L: Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Parbadia, na tumompa langit dohot tano on.

J: Amen

L: Marolopolop tu Debata ma ho, ale sandok tano on, endehon hamu ma hamuliaon ni GoarNa, marmulia ma bahen hamu puji-pujianNa.

J: Pinuji ma Debata Jahowa, sasadasa do mambahen halongangan.

L: Ai naung tubu do di hamu saborngin on, di huta ni si Daud, Sipalua i, ima Kristus Tuhan i.

J: Pinuji ma Debata Jahowa, sasadasa do mambahen halongangan.

L: Beta hita manungkap dohot marsomba, marsinggang ma hita tu jolo ni Jahowa Sitompa hita, ai Ibana do Debatanta jala hita bangso na pinarmahanNa. Pajojor hamu ma di tongatonga ni angka sipelebegu hamuliaonNa i, di tongatonga ni saluhut bangso angka na binahenNa i. Haleluya.

J: (Mangendehon) Haleluya, haleluya, haleluya

L: Martangiang ma hita: Ale Tuhan Debata Amanami na di Banuaginjang, Ama ni Jesus Kristus Tuhannami na tubu di huta Betlehem! Sai pinuji ma goarMu na badia i, ala naung ditingkir Ho hami bangsoM. Ditogutogu Ho do hami sian haholomon tu hatiuron, marhitehite parbarita na uli, na ro tu tano Batak. Dipadomu Ho do hami, na holang hian sian Ho, gabe saor muse tu Ho. Gok halalas ni roha do hami ala ni i, di na jinouM hami laho manghaporseai Ho, asa dapotan hangoluan na salelenglelengna hami sude HuriaM HKBP di sandok portibi on. Sai jalo ma hamauliateon ni rohanami, marhitehite AnakMu Tuhan Jesus Kristus Tuhannami. Amen! ---- Hundul ---

Marende BE 598:2-3 Bege Ende ni Suruan

Kristus Raja sian surgo tuat tu portibi on

Tubu sian si Maria lao manobus hita on

Debata na so tarida gabe daging songon hita

Nunga raphon hita be Jesus i, Immanuel

Ende ni suruan i, sangap ma di Tuhan i.

Jesus Raja Hadameon sondang hatigoran i

Panondang ni hangoluan di saluhut jolma i

Dirumari do diriNa lao manobus manisia

Asa unang mate be, ala ni dosana be

Ende ni Suruan i, sangap ma di Tuhan i.

Liturgi I (Sekolah Minggu HKBP Yogyakarta)

Marende BE 51: 1-2 Tole Puji ma Tuhanta

Tole puji ma Tuhanta tu Ibana ma rohanta

Asa girgir parendenta ale dongan Kristen i

Ayat 2 ....jongjong ...

Dosa dohot hamatean bolis dohot hamagoan

Talu, ala naung diboan Jesus hangoluan i

MANOPOTI DOSA & BAGABAGA HASESAAN NI DOSA

L: Huria ni Tuhanta, jongjong do hita nuaeng di adopan ni Debata Na Badia, di bagasan unduk dohot serep ni roha, tatopoti ma dosanta di jolo ni Debata, martangiang ma hita:

Ale Tuhan Debata, Amanami marhitehite Anak-Mu Tuhan Jesus Kristus, naung ro manopot hami jolma pardosa tu portibi on. Na ro do hami nuaeng tu adopanMu manolsoli dohot manopoti dosanami na godang i. Na jotjot do huarsahi hami Ho marhitehite hata dohot pambahenannami na so tama. Tama situtu do hami hona uhumMu ala ni angka dosanami i. Na ro do hami nuaeng tu joloM mangasahon asi ni rohaM mangido tu Ho: sai unang paingotingot angka dosanami, sai salpuhon ma saluhut dosanami i sian rohaM.

(Melody BE. 686)

L: Tabege ma bagabaga ni Debata taringot tu hasesan ni dosanta:

Songon sintongna mangolu Ahu, ninna Tuhan Jahowa, tung na so lomo do rohang-Ku mida hamatean ni parjahat, na lomo do rohangKu mida hamumulak ni parjahat i, tumadingkon dalanna, asa mangolu ibana, Hasangapon ma di Debata na di ginjang.

S : Amen. (Hundul)

Marende BE 52: 1-2 Hatuaon Do

Hatuaon do las ni roha do hatutubu ni Jesus i

Mago do jolma ro ma Tuhanta, las be, las be ma rohanta i

Mago do jolma ro ma Tuhanta, las be, las be ma rohanta i.

Hatuaon do las ni roha do hatutubu ni Jesus i

Domu do hita tu Debatanta, las be, las be ma rohanta i

Domu do hita tu Debatanta, las be, las be ma rohanta i.

Liturgi II

(Utusan tiap Sektor: Utara, Timur, Selatan, Barat, Tengah, Sektor Bantul- Wonosari)

Prolog: Idama haholomon do manghuphupi tano on. Alai Debatanta mangalehon panondang asa gabe tiur. Alani parrohahon ma angka barita haroro ni Panondang i, na mangalehon sonang ni roha dohot na pasingkophon ngolum asa marhatiuron jala gabe tau hasangapon di huasoNa.

Marende: BE 62: 1 Halalas ni Roha Godang

Halalas ni roha godang na hubaritahon on

Nunga tubu Sipalua di hita jolma on

Hasangapon di Debata, laos dame, dame, dame ma di jolma

Lomo ni roha ni Debata do hita jolma on

Koor Gabungan (Ama, Ina, Lansia, Naposo)

Liturgi III: Puji-pujian:

Perwakilan kategorial (Remaja, Naposo, Ina, Ama, Lansia)

Prolog: Antong nang hita pe dohot ma hita marsomba tu Ibana naung tubu i. Tapasahat ma pelean hamauliateon ni rohanta, gabe pujipujian di Debata na mangalehon Anak-Na i gabe haluaonta.

Marende BE 56:1-2 Sai Ro ma Hamuna

Sai ro ma hamuna, angka na porsea, sai ro ma hamuna tu Betlehem.

Ida Dakdanak Sipalua hita, tasomba ma Ibana,

Tasomba ma Ibana, tasomba ma Ibana, Rajanta.

O, Raja na sangap, Tuhan ni saluhut. Ditaon Ho na porsuk, di tano on.

Ala ni jolma na di hamagoan, tasomba ma Ibana,

Tasomba ma Ibana, tasomba ma Ibana, Rajanta.

Koor : Naposobulung HKBP Yogyakarta

Marende 54 :1-3 Sonang ni Bornginna i (Lampu dipadamkan)

Sonang ni bornginna i uju ro Jesus i, sonang modom do halak sude

Holan dua na dungo dope, mangingani Anakna, Jesus Tuhanta i

Denggan ni bornginna i uju ro Jesus i, tu parmahan di Betlehem i

Dipaboa na di surgo i, nunga ro Sipangolu Jesus Tuhanta i.

------- Ayat 3 jongjong, Pagalak Lampu ------

Godang ni tua disi, di naro Jesus i, tung malua pardosa muse

Sian hamagoanna sude, ala ro sipangolu Jesus Tuhanta i

Manghatindanghon Haporseaon

L: Tahatindanghon ma haporseaonta i, songon nahinatindanghon ni dongantasahaporseaon di sandok portibion, rap ma hita mandok:

L+J: Ahu porsea di debata Jahowa......dst...

Sunggulsunggul / Informasi:
Liturgi IV: Hatutubu ni Tuhanta Jesus Kristus

(dihasuhuthon Parompuan HKBP Yogyakarta).

Marende BE. 597a : 1- - - Baritahon di Dolok (Papungu Pelean 1a & 1b)

Refr.: Baritahon di dolok, di rura di sude inganan.

Baritahon di dolok naung tubu Kristus i.

Ro do surusuruan tu ladang efrata,

mandapothon parmahan tompu mansai torang

Refr.: ...

Mabiar do parmahan, tu pardisurgo i.

Angka surusuruan marende borngin i.

Refr.: ...

-- musik ---

Diborhos do Tuhanta dipanggagatan i.

Songon na pinaboa ni pardisurgo i.

Refr.: ...

Jamita/Khotbah:

Marende BE 615:1--- Tarbege Surusuruan Marende

(Papungu Pelean II - Tu Radio Bona Pasogit FM HKBP)

Tarbege surusuruan marende mansai uli.

Angka dolok dohot rura gok do saringarna i

Refr.: Sangap ma sangap ma di Tuhan!

Sangap ma sangap ma di Tuhan!

Las roham ale parmahan, nunga tubu Kristus i.

Rap marende ma hamuna, pasangaphon Raja i.

Refr.: ... -- musik ---

Borhat ma hamu marnida, tu huta Betlehem i,

somba Kristus Sipalua, na imbaru tubu i.

Refr: ...

Ida ma di panggagatan, Sipalua na ro i.

Sigomgomi parluhutan, langit dohot tano i.

Refr.: ...

Acara Khusus:

Peringatan dan Pengucapan Syukur 25 Tahun Tahbisan Kependetaan

(26 Desember 1991 - 26 Desember 2016) Pdt. Amir Amin Zaitun Sihite

Hata Huhuasi/Kata Pengantar oleh: Panitia
Panindangion/Kesaksian Syukur sian: Kel. Pdt. A.A.Z. Sihite, M.Th.
Mandok Hata/Ucapan Selamat:

Mewakili Ruas/ Undangan : Ch. M. Situmorang
Mewakili Parhalado : St. K. Samosir, S.E.
Mewakili Pandita : Pdt. Dr. R. Radjagukguk

Pasahathon cindera-mata sian Huria tu Pdt. AAZ Sihite, M.Th. pinasahat ni: Parhalado Parartaon dohot Pdt. Dr. R. Rajagukguk
Pasahathon Apresiasi Natal sian Huria tu:

Keluarga Joko
Tata Usaha
Sekretaris Huria
Pdt. Dr. R. Radjagukguk
Pdt. Monris Sibarani, S.Pd., S.Si. (Teol)
Pdt. Desquart Ompusunggu, M.Si.

Marende BE. 62: 5 Halalas ni Roha Godang (jongjong)

Halalas ni roha godang sai songgopi rohangkon.

Asa dohot au ummalo mamuji goarMi

Hasangapon di Debata, laos dame, dame, dame ma di jolma

Lomo ni roha ni Debata do hita jolma on.

PANUTUP: TANGIANG DOHOT PASUPASU.

Ramah-tamah:

Pemotongan Kue Ulang Tahun ke-25 Tahbisan Kependetaan (Tohonan Hapanditaon);

Pdt. Amir Amin Zaitun Sihite, M.Th.

Doa Makan
Makan Bersama - Ramah Tamah di Sopo Godang & Hiburan

PENDETA & MAJELIS JEMAAT HKBP JOGJA

MENGUCAPKAN

SELAMAT HARI NATAL 25-26 DESEMBER 2016

TAHUN BARU 01 JANUARI 2017

TUHAN MEMBERKATI

HORAS!!!

Horas Natal! S’lamat Natal!

Sugeng Natal! Merry Christmas!

Feliz Navidad! Feliz Natal!

Frohe Weihnachten! Kala Christougenna!

Joyeux Noël! Vrolijk Kerstfeest!

HKBP Yogyakarta

Jl. I Dewa Nyoman Oka 22 – Kotabaru Yogyakarta 55224 Telp. 548740; 513080; Fax. (0274) 548740

Website: hkbpjogja.org Email: [email protected]

ACARA ASOCIACIÓN DE CONCESIONARIOS DE AUTOMOTORES DE LA
ACARA IBADAH NATAL II HKBP YOGYAKARTA RESORT YOGYAKARTA SENIN
ASAS – ASAS HUKUM ACARA PIDANA DISUSUN UNTUK MEMENUHI

Tags: yogyakarta senin, kotabaru yogyakarta, yogyakarta, natal, ibadah, resort, senin, acara