Vitnestemning i sivil sak

Alle har plikt til å møte som vitne ved tingrett og lagmannsrett. Retten kan likevel på nærare fastsette vilkår frita eit vitne for møteplikt dersom det har lang reiseveg og frammøte vil føre med seg for store ulemper eller kostnader samanlikna med kor viktig vitnet er for saka si opplysing.

Dersom eit vitne lar vere å møte utan gyldig grunn, ikkje melder forfall i tide eller forlet rettsstaden utan løyve før møtet er slutt, kan vitnet verte straffa med bøter og pålagt heilt eller delvis å erstatte dei kostnadene som er valda. Retten kan og bestemme at eit vitne som ikkje møter eller forlet rettsstaden utan gyldig grunn, skal hentast til same eller eit seinare rettsmøte.

Eit vitne har etter lov 21. juli 1916 nr. 2 krav på skyss- og diettgodtgjersle, eventuelt med nattillegg, etter satsane i ”Regulativ for reiser innenlands for statens regning”. Godtgjersle for bruk av eigen bil vert godkjent berre i den utstrekning dette er billigast for det offentlege, med mindre særlege grunnar tilseier at vitnet må bruke eigen bil. Dei gjeldande satsane for reise og opphald samt skjema for reiserekning, kan ein få ved å kontakte retten. Krav i samband med reisa må leverast til retten sitt kontor etter oppmøte eller sendast snarast og seinast innan ein månad etter at reisa er avslutta.

Eit vitne kan få erstatta andre økonomiske tap i den grad det verkar rimeleg. Dokumentasjon for utlegg og tapt arbeidsforteneste (stadfesting frå arbeidsgjevar) må i så fall takast med til rettsmøtet eller sendast retten. Skattekort må og takast med.

Skal sendast til forkynning for vitnet (vitna).

GC – 3017/N 11.01