MINUTI
KAMRA TAD-DEPUTATI
L-GĦAXAR PARLAMENT
SEDUTA NRU. 61
Il-Ġimgħa, 21 ta’ Novembru 2003
Il-Kamra tad-Deputati ltaqgħet fis-Sala tal-Parlament, il-Palazz, il-Belt Valletta fid-
9.02 a.m.
Mr Speaker, l-Onor Anton Tabone, ippresieda.
PREŻENTI
Il-Ministri u l-Membri kollha kienu preżenti minbarra l-Viċi Prim Ministru u Ministru għall-Politika Soċjali, il-Ministru għat-Trasport u Komunikazzjoni, il-Ministru għat-Turiżmu, is-Segretarju Parlamentari l-Onor Edwin Vassallo, is-Segretarju Parlamentari l-Onor Carmelo Mifsud Bonnici, l-Onor Chris Agius, l-Onor John Attard Montalto, l-Onor Joseph Brincat, l-Onor Justyne Caruana, l-Onor Karl Chircop, l-Onor Marie Louise Coleiro, l-Onor Michael Farrugia, l-Onor Noel Farrugia, l-Onor Antonio Fenech, l-Onor Jose’ Herrera, l-Onor Charles Mangion, l-Onor Jeffrey Pullicino Orlando, l-Onor Anton Refalo, l-Onor Joseph Sammut, l-Onor Adrian Vassallo u l-Onor Karmenu Vella.
SKUŻATI
L-Onor Leo Brincat, l-Onor Helen D’Amato, l-Onor Joe Debono Grech u l-Onor Clyde Puli kienu msifrin fuq xogħol parlamentari.
TALBA
L-Iskrivan tal-Kamra qal it-talba.
MINUTI
Il-Minuti tas-Seduta Nru 60 li saret fid-19 ta’ Novembru 2003 kienu konfermati.
MISTOQSIJIET
Mistoqsijiet ġew magħmula u mogħtija tweġiba.
Bi tweġiba għall-mistoqsija parlamentari numru 2399 il-Ministru għaż-Żgħażagħ u l-Kultura qiegħed fuq il-Mejda tal-Kamra:-
P.L. 692 - Tagħrif dwar entitajiet li jaqgħu taħt id-dekasteru tal-Ministru għaż-Żgħażagħ u l-Kultura li jagħmlu użu mis-servizzi ta’ kumpanniji privati tas-sigurta’.
Fid-9.30 a.m. l-aħħar mistoqsija kienet numru 2846 u l-mistoqsijiet l-oħra kollha li dehru fuq l-agenda ngħataw tweġiba bil-miktub.
TQEGĦID TA’ KARTI
Il-Ministru ta’ l-Edukazzjoni qiegħed fuq il-Mejda tal-Kamra:-
P.L. 693 - Tagħrif b’risposta għal mistoqsija parlamentari numru 2355 dwar xogħol fuq twieqi u bibien ta’ l-iskejjel primarji taż-Żejtun; u
P.L. 694 - Tagħrif b’risposta għal mistoqsija parlamentari numru 2356 dwar il-bini ta’ l-iskola Adelaide Cini fil-Ħamrun u xogħlijiet li saru fiha;
f’isem il-Viċi Prim Ministru u Ministru għall-Politika Soċjali qiegħed fuq il-Mejda tal-Kamra:-
P.L. 695 - Tagħrif dwar l-għadd u l-eta’ ta’ persuni li jieħdu s-servizz ta’ l-inkontinenza, bi tweġiba għall-mistoqsija parlamentari numru 2897; u
f’isem il-Ministru għat-Trasport u Komunikazzjoni qiegħed fuq il-Mejda tal-Kamra:-
P.L. 696 - Tabelli li juru postijiet fejn hemm traffic lights u pelican lights imwaħħla f’Malta u Għawdex, postijiet fejn ġie approvat li jitwaħħlu pelican lights u postijiet fejn hemm talba sabiex jitwaħħlu dawn id-dwal, bi tweġiba għall-mistoqsija parlamentari numru 2889.
Il-Ministru tal-Ġustizzja u l-Intern qiegħed fuq il-Mejda tal-Kamra:-
P.L. 697 - Tagħrif dwar l-eta’ u l-pajjiż li minnhom ġejjin il-priġunieri fil-Faċilita’ Korrettiva ta’ Kordin, bi tweġiba għall-mistoqsija parlamentari numru 2895.
Il-Ministru għat-Teknoloġija ta’ l-Informazzjoni u l-Investiment qiegħed fuq il-Mejda tal-Kamra:-
P.L. 698 - Tagħrif dwar l-għadd ta’ sigħat ta’ użu li sar minn internet kiosks installati fid-diversi lokalitajiet matul Ottubru 2003, bi tweġiba għall-mistoqsija parlamentari numru 2858.
L-Iskrivan tal-Kamra qara l-Ordnijiet tal-Ġurnata.
1. ABBOZZ TA’ LIĠI DWAR IR-RISTRUTTURAR TAT-TARZNARI - ABBOZZ NRU 17
Il-Kamra marret f'Kumitat.
FIL-KUMITAT
L-Onor Mario de Marco, Viċi President tal-Kumitat, ippreseda.
Il-Kumitat irriżuma mid-19 ta’ Novembru 2003, id-diskussjoni fuq id-diversi klawsoli ta' dan l-Abbozz ta' Liġi.
KLAWSOLA 3 – KONTINWAZZJONI
KLAWSOLA 3 għaddiet nem. con. u kienet ordnata ssir parti mill-Abbozz ta’ Liġi.
KLAWSOLI 4, 5 u 6 għaddew nem. con. u kienu ordnati jsiru parti mill-Abbozz ta’ Liġi.
KLAWSOLA 1
Il-Ministru għat-Teknoloġija ta’ l-Informazzjoni u l-Investiment ressaq din l-Emenda “A”:-
Klawsola 1
Minflok is-subklawsola (2) ta’ klawsola 1 għandha tidħol din is-subklawsola li ġejja:
“(2) Dan l-Att għandu jitqies li beda fis-seħħ fis-7 ta’ Novembru, 2003.”
Clause 1
For subclause (2) of clause 1 there shall be substituted the following subclause:-
“(2) This Act shall be deemed to have come into force on the 7th November, 2003.”.
L-emenda “A” għaddiet nem. con.
KLAWSOLA 1, kif emendata, għaddiet nem. con. u kienet ordnata ssir parti mill-Abbozz ta’ Liġi.
IT-TITOLU għadda nem. con. u kien ordnat isir parti mill-Abbozz ta’ Liġi.
Fuq mozzjoni tal-Ministru għat-Teknoloġija ta’ l-Informazzjoni u l-Investiment, il-Kumitat qabel li l-Iskrivan tal-Kamra jkun awtorizzat li jikkoreġi xi żbalji ta’ l-ortografija u jagħmel xi emendi żgħar li jista’ jkun hemm bżonn.
Fil-11.02 a.m. il-Kamra rriżumiet u l-Ministru għat-Teknoloġija ta’ l-Informazzjoni u l-Investiment irrapporta l-Abbozz ta’ Liġi mgħoddi mill-Kumitat b’emenda.
PERMESS TAL-KAMRA
Il-Ministru għat-Teknoloġija ta’ l-Informazzjoni u l-Investiment talab il-permess sabiex iressaq it-Tielet Qari ta’ l-Abbozz ta’ Liġi dwar ir-Ristrutturar tat-Tarzna.
Il-permess ingħata.
Il-Ministru għat-Teknoloġija ta’ l-Informazzjoni u l-Investiment ippropona t-Tielet Qari ta’ dan l-Abbozz ta’ Liġi.
L-Onor Mario Galea ssekonda.
Il-mozzjoni għaddiet u l-Abbozz ta’ Liġi msejjaħ “Att biex jipprovdi dwar ir-ristrutturar tat-Tarzna ta’ Malta u tal-Marsa Shipbuilding Yard” inqara t-Tielet Darba u għadda.
2. ABBOZZ TA’ LIĠI DWAR L-AMMINISTRAZZJONI FINANZJARJA U L-VERIFIKA – ABBOZZ NRU 14
Il-Kamra rriżumiet mid-19 ta’ Novembru, 2003 id-diskussjoni fuq it-Tieni Qari ta’ l-Abbozz ta’ Liġi msejjaħ “Att biex jemenda l-Att dwar l-Amministrazzjoni Finanzjarja u l-Verifika, Kap. 174”.
F’nofsinhar id-diskussjoni kienet interrotta u baqgħet aġġornata.
AĠĠORNAMENT
Il-Ministru ta’ l-Edukazzjoni ppropona l-aġġornament tal-Kamra għal nhar it-Tnejn, 24 ta’ Novembru 2003, fis-6.00 p.m. b'din l-aġenda:
Mozzjonijiet
Estimi Íenerali ta' spiúa góas-sena 2004.
Il-Ministru ta’ l-Edukazzjoni informa lill-Kamra li skond ftehim milóuq din is-seduta kienet se tixxandar dirett fuq it-televiújoni.
Fin-12.30 p.m. il-Kamra aġġornat mingħajr ma saret il-mistoqsija.
RICHARD J CAUCHI
SKRIVAN TAL-KAMRA
KONFERMATI
SPEAKER
Tags: taddeputati, ilġimgħa, minuti, kamra, lgħaxar, parlament, seduta